EHARIALDEA KIROL ELKARTEAREN HISTORIA

   Eharialdea kirol elkartea, 1987. urtean sortu zen, baina izen hau 1995.ean hartu zuen.

   Data horretatik aurrera,trinko egin du lan  emakumezkoen eskubaloian, oinarria sortzen lehenengo hezkuntzan eta D.B.H.-ko lehenengo etapan Antonio Forniés, Luis Dorao, Miguel de Unamuno eta Mendebaldea ikastegietan. Bere eraginez emakumezkoen eskubaloia eskola kirolean agertu da  eta modu honetan maila altuagoak mantentzea ere lortu du.

   Era berean, aipatu beharrekoa da Eharialdea Kirol Elkarteak bere baitan lau talde dituela: euskal ligan jokatzen duten kadete eta jubenil bana, 2.mailan jokatzen duen senior bat eta liga probintzialean jokatzen duen beste bat. Gainera  2001.eko urritik aurrera, Gasteizko Udalak antolatzen duen kirol kanpainaren barnean eratutako eskubaloi eskola zuzentzen du.

   Elkartearen hainbat lorpen aipatu ditzakegu, denboraldi ezberdinetan eta maila ezberdinetan talde guztiak klasifikazioen buruan mantentzeaz aparte. Bereziki aipagarriak dira Kadete mailan Euskadiko Txapelketan 1998/99 denboraldian  lortutako biganrren postua,1999/2000 denboraldian  lortutako lehenengo postua,2001/2002 denboraldian lortutako hirugarren postua, eta 2000.urtean Espainiako Txapelketan lortutako bigarren postua. Jubenil mailan aipatu behar dira Euskadiko Txapelketan 2000/2001 eta 2001/2002 denboraldietan lortutako lehenengo postuak. Hala nola, hainbat lehenengo postu Arabako Foru Aldundia-ren Kopan.

   Bestalde, esan behar da Eharialdea Kirol Elkarteak ohituraz jokalari kopuru garrantzitsua eramaten duela emakumezko eskubaloi selekzio ezberdinetara:  Arabakoa,  Euskadikoa eta Espainiakoa.

Esta página se actualizó por última vez el 11/11/02 .

Web creada por Maider Viteri Aguirre